Autoritetet italiane dhe ato spanjolle me ndihëm e Europol kanë shkatërruar bandën kriminale të trafikut të drogës dhe pastrimit të parave. Nga operacioni janë arrestuar 33 persona të dyshuar. Ata janë shtetas italianë, shqiptarë, kolumbianë, marokenë dhe sirianë.
Gjatë operacionit policor, u sekuestruan 18.5 mln euro asete. Struktura kriminale përdorte kompani në vende të tilla si Kina, Turqia dhe Shtetet e Bashkuara të Amerikës. Kjo rrjetë komplekse kompanish lejonte që krimi i organizuar të maskonte burimin, vendndodhjen, pronësinë, kontrollin, origjinën dhe destinacionin e fondeve të përfituara në mënyrë të paligjshme, si dhe të shmangte zbulimin e tyre.
Europol ishte në ndjekje të bandës kriminale që prej vitit 2020.
