Kryeministri i Shqipërisë Edi Rama tha sot se forca e ushtrisë serbe në kufirin me Kosovën është “zero” dhe se nuk mund të bëjë asgjë për zhvillimin e situatës në Kosovë.
Rama ka komentuar tensionet në veri të Kosovës në një fjalim para gazetarëve në Forumin për Sigurinë Globale në Bratislavë (GLOBSEC).
Ai tha se vendosja e ushtrisë serbe në kufirin me Kosovën është e ngjashme me vendosjen e ushtrisë meksikane në kufirin me SHBA-në.“Kjo është sikur ushtria meksikane të shfaqet në kufirin amerikan, çfarë mund të bëjnë? Më falni, unë e dua Meksikën, por çfarë mund të bëjë ai? Asgjë, absolutisht asgjë. Bëhet fjalë vetëm për politikën e brendshme. Ajo që po ndodh në veri të Kosovës lidhet kryesisht me politikën e brendshme”, tha Rama.
Në të njëjtën kohë, Komisioneri i Lartë i Bashkimit Evropian (BE) për politikë të jashtme dhe siguri, Josep Borrell, ka takuar kryeministrin e Kosovës, Albin Kurti.
“Situata aktuale është e rrezikshme dhe e paqëndrueshme. Ne kemi nevojë për de-përshkallëzimin e menjëhershëm dhe një zgjidhje përmes dialogut”, tha Borrell pas takimit
