Gjykata Themelore në Prishtinë ka shpallur aktgjykimin në çështjen penale kundër tetë të akuzuarve, të cilët akuzoheshin se në bashkëkryerje kanë keqpërdorur pozitën apo autoritetit zyrtar. Prej tyre gjykata dy të akuzuar i dënon me burgim prej 5 vjet e 6 muaj, ndërsa gjashtë të tjerë lirohen.
“I akuzuari N.R është shpallë fajtor dhe është dënuar me burgim në kohëzgjatje prej 3 (tre) vite për veprën penale Keqpërdorim i pozitës apo autoritetit zyrtar në bashkëkryerje… atij i ndalohet ushtrimi i funksioneve në administratën publike ose në shërbimin publik në kohëzgjatje prej 3 (tre) viteve, pas mbajtjes së dënimit me burgim të shqiptuar si në këtë aktgjykim”, thuhet në vendim.
I akuzuari tjetë, K.H është shpallë fajtor dhe është dënuar me burgim në kohëzgjatje prej 2 (dy) vite e 6 (gjashtë) muaj për veprën penale Keqpërdorim i pozitës apo autoritetit zyrtar në bashkëkryerje, si dhe i ndalohet ushtrimi i funksioneve në administratën publike ose në shërbimin publik në kohëzgjatje prej 3 (tre) viteve, pas mbajtjes së dënimit me burgim të shqiptuar si në këtë aktgjykim.
“Detyrohen të akuzuarit që t’i paguajnë shpenzimet e procedurës penale edhe atë: për ekspertizën financiare në mënyrë solidare shumën prej 2000 (dymijë) €uro, për shpenzimet e paushallit gjyqësor secili veç e veç në shumën prej 500 (pesëqind ) €uro, si dhe në emër të programit për kompensimin e viktimave të krimit secili veç e veç shumën prej 100 (njëqind) €uro, të gjitha këto në afat prej pesëmbëdhjetë (15) ditëve nga dita e plotfuqishmërisë së këtij Aktgjykimi”, njofton gjykata .
E dëmtuara Avokatura Shtetërore e Kosovës pranë Ministrisë së Drejtësisë së Republikës së Kosovës në Prishtinë, për realizimin e kërkesës pasurore – juridike, sipas njoftimit, udhëzohet në kontest të rregullt juridiko-civil.
“Të akuzuarit SH.Z, E.Gj, SH.M, L.TH, L.K dhe A.Z janë liruar nga akuza për shkak se nga dëgjimi i dëshmitarëve, ekspertit dhe provave të administruara gjatë shqyrtimit gjyqësor nuk është vërtetuar se të akuzuarit kanë kryer veprën penale Keqpërdorim i pozitës apo autoritetit zyrtar…”, thuhet në vendimin e gjykatës.
Ndërsa Avokaturës Shtetërorë të Kosovës, për realizimin e kërkesës pasurore -juridike udhëzohet në kontest të rregullt juridiko-civil
Ndryshe, kundër këtij aktgjykimi, palët e pakënaqura kanë të drejtë ankese në Gjykatën e Apelit të Kosovës, përmes Gjykatës Themelore në Prishtinë.
