Policia e Kosovës njofton se janë arrestuar tre serbë në Zveçan, nën dyshimin se kanë ndaluar disa automjete.
Sipas raportit 24 orësh të Policisë, të dyshuarit janë arrestuar mbrëmë pas mesnatës dhe dyshohen për prishje të rendit dhe qetësisë publike.
“Janë arrestuar tre të dyshuar meshkuj serbë, pasi që të njëjtit në bashkëveprim me disa persona tjerë, në rrugë kanë ndaluar disa automjete. Tre të dyshuarit janë intervistuar dhe me vendim të prokurorit, janë liruar në procedurë të rregullt”, thuhet në raportin e Policisë.
