Publicisti Bajram Mjeku ne nje postim ne profilin e tij ne facebook shkruan se asnjë personalitet shqiptar, qoftë politik apo ushtarak, nuk më intrigon si Prek Cali, i cili ndryshe quhej Vojvoda i Selcës.
“Prek Cali, shqiptari i gjatë edhe në shtat dhe figurë emblematike, gjithë jetën e shkoi në mbrojtje të kufijve etnikë, për një Shqipëri të lirë e demokratike.
Prek Cali nuk ishte vetëm udhëheqës ushtarak, por ishte edhe prijës me orë, të cilit i kishte fjala peshë e pushka shpresë”, thote ai. Mjeku thote se Prek Calaj ishte figura më monumentale shqiptare në shekullin njëzet dhe ishte prijësi më i madh shqiptar, i cili edhe komandonte, edhe u printe bashkëluftëtarëve të tij në vijën e parë.
Në mars të vitit 1945, u ekzekutua nga Qeveria komuniste shqiptare si antikomunist dhe si luftëtar i paepur për një Shqipëri të lirë e demokratike.
“Për ironi të fatit, jo më larg se pak muaj më parë, Qeveria shqiptare rrënoi Kullën e tij në Vermosh, të vetmen shenjë që ua kishte lënë trashëgim vajzave të Tij. Fotografinë e Prek Calit në vijën e parë të frontit, e realizoi fotografi austriak, Willibald Kollegger në vitin 1942”,shkruan ai.
