Sulmuesi i Milanit, Zlatan Ibrahimovic ka njoftuar tërheqjen e tij. Një deklaratë të tillë ai e bëri pas ndeshjes së Milanit kundër Veronës, në të cilën klubi Milan fitoi 3-1 në stadiumin San Siro.
“Unë i them lamtumirë futbollit, por jo ty. Kaq shumë kujtime dhe emocione në këtë stadium”, citon Guardian sulmuesi .Gjatë ndeshjes me Veronën, tifozët e Milanit vendosën në tribuna mbishkrimin “Godbye”, që mund të përkthehet si “Mirupafshim Zot”.
Kontrata e 41-vjeçarit Ibrahimovic me AC Milan skadon në qershor. Sulmuesi humbi pjesën më të madhe të sezonit 2022/23 për shkak të lëndimit. Ai ka luajtur katër ndeshje në ligë këtë sezon dhe ka shënuar një gol.
Ibrahimovic e filloi karrierën e tij në Malmö suedeze, më pas luajti për Ajax, Juventus, Inter, Barcelona, Milan, PSG, Manchester United, Los Angeles Galaxy. Në vitin 2020, ai u kthye në AC Milan. Si pjesë e këtyre klubeve ai fitoi dy herë kampionatin holandez, shtatë herë kampionatin italian, katër herë kampionatin francez dhe një herë kampionatin spanjoll.
Ai gjithashtu bëri 122 paraqitje për Suedinë, duke shënuar 62 gola.
