“Tani është e qartë se do të kemi zgjedhje të jashtëzakonshme parlamentare, pyetja e vetme është muaji i saktë kur do të mbahen ato zgjedhje… Tensionet në shoqëri zgjidhen gjithmonë me zgjedhje, disa kanë krijuar tensione, jo gjithmonë sepse kanë pasur kërkesa politike. por për shkak se ka pasur kërkesa nga manjatë të caktuar për të zbatuar interesat e tyre, gjë që shihet edhe nga kërkesat”, tha lideri serb.
Të shtunën e kaluar në Beograd është mbajtur mbledhja e pestë masive e kundërshtarëve të politikave të pushtetit aktual serb, rikujton RIA Novosti. Demonstruesit marshuan nga Kuvendi nëpër rrugët qendrore të qytetit, duke formuar një “unazë” rreth administratës presidenciale.
Lideri serb, në sfondin e protestave masive, tha në mes të majit se nuk do të ketë ndryshim të dhunshëm të qeverisë në Serbi, si në Kiev në 2014, kujtojnë mediat ruse. Ata gjithashtu shtojnë deklaratën e Vuçiqit se shërbimet speciale nga Lindja paralajmëruan për përpjekje për të organizuar dhe udhëhequr revolucione me ngjyra në Serbi. Sipas tij, priten vendime të rëndësishme për kryesinë e partisë dhe të vendit dhe janë të mundshme zgjedhjet e jashtëzakonshme parlamentare.
Zgjedhjet, shtoi ai, janë “e vetmja mënyrë për të sjellë ndryshimin që ata duan”.
Ky portal rus rikujton se më 3 qershor në Beograd u mbajt marshi i pestë masiv dhe tubimi i kundërshtarëve të politikave të pushtetit aktual serb.
