Gazmend Hasanit nga Prishtina i duhen 34.000 euro që t’i nënshtrohet një operimi të cilën shumë nuk po arrin ta përballojë për shërim kanceri.
Ai në mars të këtij viti është diagnostikuar me Neoplazmë Malinje testisit me metastazë në regjionin retroperitoneal.
Që nga ajo kohë është duke u trajtuar në spital ku fillimisht i është nënshtruar një intervenimi kirurgjik e pastaj 4 cikle të kimioterapisë. Pas kimioterapisë aktiviteti i tumorit është ulur rreth 80% ndërsa masa nuk është zvogëluar prandaj edhe duhet ti nënshtrohet intervenimit kirurgjik për largimin e kësaj mase.
“Trajtimet e deri tashme kane pasur kosto te lartë rreth 70 mijë euro të cilën kam arritur ta mbuloi me ndihmën e familjarëve dhe miqve mirëpo mundësitë janë shpenzuar dhe tani me duhet ndihma e secilit për përballimin e kostos financiare të intervenimit të cilit do ti nënshtrohem me vlerë 34.000 Euro”, tha Hasani.
Ai ka lutur qytetarët dhe çdo organizatë për ndihmë në tejkalimin e kësaj sfide për të cilat thotë se është falënderues. /Kosovatimes/
