Mesfushori i Manchester Cityt, Rodri e ka pranuar se po luante keq në pjesën e parë të finales së Ligës së Kampionëve, para se të shënonte golin e fitores.
Rodri shënoi një gol të mrekullueshëm në pjesën e dytë, kështu duke e ndihmuar Cityn të fitonte tripletën. City e ka fituar gjithashtu edhe Premier Leaguen dhe FA Cup.
“Shumë emocione. E kam bërë realitet një ëndërr. Të gjithë këta fansa kanë pritur, s’po di, për shumë vjet. Ata e meritojnë, ne e meritojmë. Në vitet e fundit ishim shumë afër. Vetëm dua t’i falënderojë të gjithë. Nuk ishte e lehtë. Me çfarë ekipi u përballëm, në mënyrën si ata u mbrojtën dhe shfrytëzuan kundërsulmet. Ne dhamë gjithçka. Unë nuk isha mirë në pjesën e parë, isha shumë keq. Finalet janë kështu. Ti nuk mundesh të presësh të luash mirë si gjithmonë. Emocionet dhe nervat nuk të lejojnë. Ne luftuam si kafshë”, u shpreh Rodri pas ndeshjes.
