Në ShFMU “Fadil Hisari” në Prizren u organizua Turneu i Seniorëve “Lidhja e Prizrenit” nga KPP “Lidhja e Prizrenit”, turne ky i cili filloi në ora 10:00.
Së pari filluan garat në fazën e grupeve të meshkujve dhe pastaj edhe në atë femrave, ndërsa fituesit e grupeve dhe vendet e dyta u kualifikuan për në skeletin kryesor në të dyja kategoritë.
Në kategorinë e meshkujve u zhvilluan ndeshje mjaft të bukura, cilësore në të gjitha fazat deri në gjysmë finale ku u plasuan favoritët të cilët nuk lejuan befasi.
Në ndeshjen e parë gjysmëfinale u takuan Kreshnik Mahmuti dhe Blendi Hajdari, ndeshje të cilën e fitoi Kreshniku me rezultat 3:0, ndërsa në ndeshjen tjetër gjysmëfinale lojtari anglez Christopher Doran fitoi ndaj Fatih Karabaxhakut me rezultat 3:1 pas një ndeshje me plot poena të bukur nga të dy lojtarët.
Në finale ndeshja ndërmjet Kreshnik Mahmutit dhe Christopher Doran ishte me mjaft cilësi, me shumë rivalitet por në fund Kreshniku e fitoi ndeshjen me rezultat 3:1.
Në kategorinë e femrave u zhvilluan ndeshje të bukura dhe të forta por favoritët nuk lejuan befasi ku në finale u takuan Liridona Rexhaj nga KPP”Teuta” dhe Samanda Agolli po ashtu nga i njëjti klub, ndeshje të cilën në fund e fitoi Liridona Rexhaj me rezultat 3:1.
Kategoria Meshkujt:
-
Kreshnik Mahmuti
2. Christopher Doran
3. Blendi Hajdari dhe
4. Fatih Karabaxhaku.
Kategoria Femrat:
-
Liridona Rexhaj
2. Samanda Agolli
3. Elionela Hasani dhe
4. Alma Mehmeti.
Në fund fituesit u shpërblyen me medalje, kupa dhe mjete monetare nga organizatori. /Kosovatimes/
