Ministri i Mbrojtjes Millosh Vuçeviq ka biseduar sot në kuadër të vizitës së tij zyrtare në Qipro me ministrin e Mbrojtjes së vendit, Mihalis Jorgalas, i cili bëri thirrje për deeskalim në veri të Kosovës dhe vazhdimin e dialogut ndërmjet Beogradit dhe Prishtinës.
“Ne patëm një dialog shumë kuptimplotë për një sërë çështjesh me interes të ndërsjellë, nga bashkëpunimi ynë dypalësh deri te çështjet përkatëse të sigurisë rajonale, duke përfshirë situatën e sigurisë në Qipro dhe Ballkanin Perëndimor,” tha ai.
Pas pritjes ceremoniale me nder të Gardës Kombëtare të Qipros dhe këndimit të himneve kombëtare, pasoi një bisedë mes ministrave Vuçeviç dhe Jorgalas dhe më pas takimi i delegacioneve që ata kryesojnë. Në pritje dhe takime mori pjesë edhe komandanti i Gardës Kombëtare të Qipros, gjenerallejtënant Demokrit Zervakis.
“Gjatë bisedimeve të sotme patëm mundësinë të shkëmbejmë mendime për çështjet aktuale të sigurisë në Evropë dhe botë, veçanërisht për provincën tonë të Kosovës, Qipros dhe Lindjes së Mesme”, theksoi ministri Vuçeviq, duke shtuar se në takim u diskutua edhe për implikimet e konflikti midis Rusisë dhe Ukrainës për situatën e sigurisë në këtë pjesë të botës.
