Të shtunën, familja Thornon po përgatiste një Barbecue në kopshtin e shtëpisë së tyre në fshatin Saint-Herbot, dhe vajzat po luanin në lëkundje, kur një burrë iu afrua atyre dhe filloi të qëllonte me armë. Solenne (11) vdiq në vend, dhe babai i saj Adrien (52) u qëllua në kokë. Ai u dërgua në spital dhe vazhdon të jetë në gjendje kritike për jetën.
Nëna e saj Rasheli (49) është qëlluar me plumb në kokë dhe në shpinë, por ndodhet jashtë rrezikut për jetën. Tetë vjeçarja Celeste arriti të shpëtonte e padëmtuar te fqinjët, të cilët thirrën policinë.
Prokurorja publike Carine Halley tha se një holandez 71-vjeçar ishte arrestuar dhe gruaja e tij ishte marrë në pyetje. Mediat franceze raportuan se dy familje po ziheshin për një copë tokë.
Provat paraprake, shpjegoi Halley, tregojnë se i dyshuari u shfaq nga hiçi dhe qëlloi disa herë me armë në drejtim të viktimave .
“Nuk dihen ende motivet e kësaj tragjedie, duket se fqinjët janë në konflikt prej disa vitesh për një tokë mes pronave të tyre”, tha ajo.
Marguerite Bleuzen , kryebashkiaku i Plonévez-du-Faou, tha se sulmi ishte i lidhur me një mosmarrëveshje trevjeçare në lagje mbi tokën dhe zhurmën.
“Ne e njihnim mirë familjen. Çdo vit ka një festë në fshat dhe ata do të vinin gjithmonë. Është krejtësisht e paimagjinueshme të qëllosh një fëmijë. Kjo ndodhi pa paralajmërim. Askush nuk mund ta kuptojë se si mund të ndodhte kjo,” vuri në dukje ajo e tronditur dukshëm. raportoi Guardian .
