Drejtori i Drejtorisë së Shëndetësisë në kryeqytet, Izet Sadiku, bëri të ditur se Kolegjiumi për Shëndetësi dhe Mirëqenie Sociale (AKK) u pranua në Asamblenë e Përgjithshme Vjetore të Euregha dhe pranimi i Asociacionit të Komunave të Kosovës në EUREGHA (Autoritetet Shëndetësore Rajonale dhe Lokale të Evropës) me votim pozitiv nga të gjithë anëtarët.
Me ketë rast, Sadiku para të pranishmëve theksoi se, bashkëpunimi i ndërsjellë dhe shpërndarja e praktikave të mira me anëtarët tjerë të kësaj organizate do të jetë prioritet me qëllim të ngritjes së shërbimeve shëndetësore primare të Kosovës në nivel evropian,
“EUREGHA është i vetmi rrjet evropian që përfaqëson autoritetet shëndetësore rajonale dhe lokale si prioritet dhe kupton nevojat e tyre specifike. Duke iu bashkuar EUREGHA, anëtarët angazhohen të punojnë drejt forcimit të zërit të autoriteteve lokale dhe rajonale në politikën shëndetësore të BE-së”, tha ai. /Kosovatimes/
