Kryetari i Partisë Radikale Serbe (SRS), Vojislav Sheshelj, ka thënë sot se në festën e djalit të tij ka porositur këngë çetnike, por presidenti i Serbisë, Aleksandar Vuçiq nuk ka porositur asnjë.
Një video u shfaq në mediat sociale gjatë fundjavës që tregon Vuçiqin dhe Sheshelin në një festë ndërsa grupi luan një këngë çetnike, dhe Sheshelj pretendon se xhirimet e festës nuk ishin të ndaluara dhe se Vuçiq bëri fotografi me një numër të madh njerëzish.
“Të gjithë armiqtë serbë menjëherë ngritën vetullat… Ata po diskutojnë dy gjëra – se (Vuçiq) ka ardhur në dasmën dhe pagëzimin e djalit të dukës çetnik dhe se aty janë kënduar këngë çetnike”, tha presidenti i SRS-së.
Sheshelj ka deklaruar se ka pirë vetëm “kvas rus” në festën e dasmës së djalit të tij Aleksandrit, ndërsa Vuçiq ka pirë vetëm “Coca-Cola”.
