Zëdhënësi i Qeverisë, Përparim Kryeziu, ka reaguar pasi kryeministri i Shqipërisë ka anuluar mbledhjen mes qeverive të Kosovës dhe Shqipërisë.
Në një përgjigje për RTK-në, Kryeziu tha se është hera parë që një mbledhje e përbashkët anulohet në mënyrë të njëanshme.
Takimet bilaterale do të mund të mbaheshin çdo ditë tjetër. Jemi fare afër njëri-tjetrit si vende. Nuk do të ishte hera parë që do të takoheshim brenda ditës, ka thënë zëdhënësi i Qeverisë. Sipas tij, sot do të duhej të nënshkruheshin 13 marrëveshje të reja, që kishin synim t’i afronin ekonomitë tona, sistemet tona të drejtësisë, arsimit, kulturës, etj. Janë qytetarët ata që do të humbasin më së shumti.
“Për fat të keq, anulimi i mbledhjes nga ana e kryeministrit Rama anuloi mundësinë për t’i nënshkruar ato”, ka thënë Kryeziu.
