Dy persona u vranë pasi një ushtar i ri hapi zjarr me një pushkë automatike në një terren stërvitor ushtarak në Japoni. Një person i tretë u plagos rëndë gjatë një incidenti në një terren stërvitor ushtarak në Japoninë qendrore, njoftuan mediat lokale. Agjencia japoneze e lajmeve Kyodo raportoi, duke cituar policinë, se ushtari 18-vjeçar që qëlloi me pushkë sulmi ishte arrestuar për tentativë vrasjeje të dyshuar dhe kishte pranuar krimin.
Nuk ka të dhëna për motivin e tij dhe asnjë civil nuk është lënduar nga incidenti. Transmetuesi publik NHK, duke cituar ministrinë e mbrojtjes, raportoi se një pjesëtar 18-vjeçar i forcave të armatosura ishte arrestuar. Viktimat u dërguan në spital dhe dy vdiqën nga plagët e marra, raportoi NHK.
Sekretari kryesor i kabinetit Hirokazu Matsuno tha se incidenti ndodhi rreth orës 9 të mëngjesit në një poligon qitjeje në qytetin Hino në prefekturën qendrore Gifu dhe u qëlluan tetë të shtëna. Mes viktimave është një burrë rreth të 50-tave dhe dy rreth të 20-tave.
Të shtënat janë jashtëzakonisht të rralla në Japoni, ku zotërimi i armëve është i rregulluar rreptësisht dhe kushdo që dëshiron ta ketë atë duhet të kalojë një proces rigoroz verifikimi.
