Kryeministri i Kosovës, Albin Kurti, me rastin e 15 vjetorit të hyrjes në fuqi të Kushtetutës së Kosovës, përmes një postimi në Twitter ka thënë se duhet të ruhen vlerat që i përcakton Kushtetuta.
Sipas tij, posaçërisht duhet të mbrohen të drejtat e njeriut, zgjedhjet e lira dhe të drejta, integriteti territorial e sundimi i ligjit.
“15 vjet më parë, Kushtetuta jonë ka hyrë në fuqi. Si shumë të tjera, e jona është një përzierje idealesh parimore dhe koncesione pragmatike. Le të mos dështojmë kurrë në ruajtjen dhe mbrojtjen e vlerave të saj më të mëdha – të tilla si të drejtat e njeriut, zgjedhjet e lira dhe të ndershme, integriteti territorial dhe sundimi i ligjit”, ka shkruar ai në Twitter .
Ndryshe, Kushtetuta e Republikës u miratua më 9 prill 2008, kurse hyri në fuqi më 15 qershor të atij viti.
15 years ago, our Constitution came into force. Like many others, ours is a mix of principled ideals & pragmatic concessions. May we never fail to preserve, protect and defend its greatest values—such as human rights, free & fair elections, territorial integrity and rule of law.
— Albin Kurti (@albinkurti) June 15, 2023
