Vendet piktoreske italiane po “vuajnë” nga turizmi masiv, por njëri prej tyre ka vendosur të mbajë qëndrim te ashper.
Portofino, një qytet i vogël bregdetar në rivierën italiane, është mbipopulluar me turistë, gjë që ka çuar në pakënaqësi në mesin e popullatës vendase.
Me ndërtesa shumëngjyrëshe që rrethojnë detin, bregdeti i gjallë i qytetit shpesh përfundon në profile të ndryshme në Instagram.
Në verë, kjo nënkupton një fluks vizitorësh që pozojnë për selfie, duke bllokuar shtigjet dhe rrugët, por së shpejti të gjithë mund të përballen me një situatë të pakëndshme…
Përkatësisht, për ta luftuar këtë, kryetari i bashkisë Portofino ka futur të ashtuquajturat “zona të ndalimit”. Kushdo që zgjat shumë në shëtitore midis orës 10:30 dhe 18:00 rrezikon një gjobë prej 270 eurosh.
Qyteti ka pak më shumë se 400 banorë, por tërheq shumë turistë dhe numri ndonjëherë i kalon 10,000 në ditë. Kjo çon në rrugë të mbushura me njerëz dhe bllokime trafiku. Duhet pranuar se nuk është shumë e qartë se si do të përkufizohet “mbi qëndrimi”, por mirë…
Qëllimi kryesor i ndalimit është të parandalojë grumbullimin e grupeve të mëdha turistësh në skelë. Ai do të jetë në fuqi deri në fund të sezonit të festave, pra deri më 15 tetor. Megjithatë, Portofino nuk është vetëm në luftën kundër turizmit masiv.
Ekziston gjithashtu një përqendrim i madh turistësh në Bregun e Amalfit, pasi gjiret bruz dhe qytetet e shkëmbinjve tërheqin turma vizitorësh gjatë verës.
Për të reduktuar trafikun në shtrirjen e famshme 35 kilometra midis Vietri sul Mare dhe Positano, një sistem kufizimi i targave u prezantua nga qershori deri në shtator të vitit të kaluar. Si? Thjesht, një ditë lejohej të vozitej me targa me numrin e fundit çift të targave, dhe një ditë tjetër – me numra tek. Për të moshuarit, kjo histori ndoshta kujton diçka…
Sigurisht që Venecia po lufton edhe kundër “masave”, ndaj tashmë taksa turistike është rritur në pesë euro në ditë dhe së shpejti pritet që vizitorët njëditorë të tarifohen për ardhjen në qytet.
