Presidenti amerikan Joe Biden tha të shtunën se Ukraina duhet të përmbushë të gjitha kushtet, si vendet e tjera, për t’u bërë anëtare e NATO-s.
I pyetur nëse ai ishte në favor të lehtësimit të aksesit të Ukrainës në aleancë, Biden tha “jo”.
“Ukraina nuk mund të favorizohet dhe duhet të respektojë të gjitha kriteret. Prandaj, ne nuk do ta bëjmë të lehtë ,” tha ai.
Biden foli për Ukrainën dhe NATO-n përpara samitit të aleancës më 11 dhe 12 korrik në Vilnius, raportojnë agjencitë.
Ukraina nuk do të ftohet në aleancë në atë samit, tha më herët Sekretari i Përgjithshëm Jens Stoltenberg .
Megjithatë, ai theksoi se Ukraina do të bëhet anëtare e NATO-s kur të vijë koha.
Ftesa për vendin është hapi i parë në procesin e anëtarësimit.
