Shkruan: Naza KRASNIQI
Veprimet e vonuara apo vendosmëria e Albin Kurtit për bllokimin e asociacionit, detyroj Kryeministrin e Shqipërisë Edi Ramën të veproj duke hartuar draft/statutin e asociacionit, anulimin e mbledhjes së qeverive Shqipëri – Kosovë dhe ultimatumi drejtuar Vuçiçit.
Draftimi i statutit për asociacionin duket të jetë një veprim i koordinuar me bashkësinë ndërkombëtare, ky projekt i asociacionit është projekti i cili mundet të jetë bërthama finale me disa modifikime kozmetike nga pala ndërkombëtare.
Projekt i z.Rama nuk është projekt i cili u projektua pas trazirave në Mitrovicë me rastin e inaugurimit të kryetarëve në zyrën e tyre, por ky projekt, ka filluar të projektohet shumë muaj më herët dhe atë me kërkesë ndërkombëtare, të cilën kërkesë z.Edi Rama nuk ka hezituar ta pranoj me një përgjegjësi të lartë siç din ai të merr rol të ndryshëm me ndërkombëtarët ku menjëherë ka angazhuar ekspertë amerikan dhe evropian. Kjo u dëshmua në konferencën e jashtëzakonshme të z. Ramës i cili shkurt dhe qartë njoftoj opinionin se ka dorëzuar një projekt asociacioni te z.Macron dhe z.Scholz, ky projekt u pranua si një veprim i duhur dhe me disa kundërshtime të vogla nga te dy palët e pushtetit si në Kosovë ashtu edhe në Serbi.
Se z.Rama nuk do duhet të bënte një veprim të tillë pa koordinim me Bashkësinë ndërkombëtare dhe mundet të ketë edhe aprovimin e heshtur te z. Kurti, kjo do të dëshmohej në ditët në vijim.
Ky projekt asociacionit i z.Ramës, mundet të jetë nje mënyrë taktike e zgjuar e z.Kurtit, për të zbatuar marrëveshjen e Ohrit dhe obligimet e pranuar në atë takim pritet të shihet .
Varianti i dytë dhe jo i pëlqyer për shtetin e Kosovës do ishte që z.Rama të ketë vepruar pa koordinim e z.Kurti dhe pa aprovim ndërkombëtar pa dashur të paragjykoj veprimin e tij të mirë apo të keq sepse besoj shumë që edhe nëse ka vepruar në kryeneç qëllimi i tij ka qenë të shpëtoj Kosovën, nga sanksionet ndërkombëtarë të momentit që mundet ti shqiptoj bashkësia ndërkombëtare palës kosovare, por mendoj që është dashur një koordinim me z.Kurti dhe një veprim i pa koordinuar i z.Ramës do ti jepte një sinjal jo të mirë për qeverinë e Kosovës para ndërkombëtarëve se pala kosovare nuk është e aftë dhe përgatitur për marrëveshje ndërkombëtare.
Veprimi i dytë Anulimi i mbledhjes së qeverive Shqipëri – Kosovë, mendoj që edhe këtë rast Edi Rama e ka bërë në koordinim me bashkësinë ndërkombëtare pasi që Shqipëria është pjesë bashkimit europian dhe në këtë kuptim duhet të rreshtohet me ta dhe të tregonte që është pro evropian.
Mbledhja e dy qeverive është indikatorë se marrëdhëniet e dy vendeve janë në nivelin më të lartë dhe së dyti ky raport i dy vendeve duhet të vazhdojë pavarësisht përplasjeve momentale. Anulimi i mbledhjes së dy qeverive nuk ishte veprim i mirë ndaj qeverisë së Republikës së Kosovë
Veprimi i tretë “Ultimatumi” i Ramës drejtuar Vuçiçit, që brend kësaj jave ti liroj tre policët e kidnapuar, në të kundërt do kthehet Akulli ndërmjet Beogradit dhe Shqipërisë dhe do ketë pasojat, po ashtu është një ndër veprimet që ka të bëj me mundësinë e tensionimit të situatës në veri, e jo për të fituar vota apo mbështetje popullore. Po ashtu mbetet të shihet se çfarë efekte do të prodhoj Ultimatumi.
Kosova prej marrëveshjes Rambujese, marrëveshjes se Vjenës planit të Ahtisarit e deri te vendimi i gjykatës te Strasburgut e cila vulosi Pavarësinë e Kosovës, ka pasur pale garantuese të zbatimit të këtyre marrëveshjeve me Amerikën dhe Evropën. E tani një realitet tjetër që pala Kosovare për herë të parë pas 24 vite apo te një çerek shekulli ka arrit marrëveshjen të ndërmjetësuar nga pala Euro Amerikane, por pa garantues dhe nënshkrues në mes dy shteteve sovrane në mes Kosovës dhe Serbisë, e kjo marrëveshje është marrëveshje që duhet të zbatohet nga dy shtetet sovrane.
Z.Rama duke parë veprimet të cilat kanë ndodhur me rastin, e taksës për prodhime nga Serbia dhe refuzimi për tërheqjen e taksës nga ish kryeministri i Kosovës z.Haradinaj në konferencën e Berlinit, e cila konferencë ishte një temë mjaft e debatueshme për arsye se z.Rama ka ndërhyrë dhe ka kërkuar nga z.Haradinaj të veproj dhe të mos refuzoj në prezencën e dy liderëve z.Macron dhe ish kancelarës znj.Merkel pasi që të dy liderë evropian ja kërkuan tërheqjen dhe në shkëmbim liberalizimin brenda 4 muajve dhe ky insistim për ta refuzuar tërheqjen ka replikuar në një debat jo të mirë mes dy ish-kryeministrave të Kosovës dhe Shqipërisë në prezencën e diplomatëve ndërkombëtar. Nga veprimet e më vonshme u kuptua se z.Rama ka pas të drejtë në atë kërkesë duke pasur parasysh se Kosova tek pas 6 viteve të asaj konference liberalizohen vizat për qytetarët e Republikës së Kosovës. Andaj mbetet të shihet në ditët në vijim se veprimet e Edi Rames a ishin të koordinuar dhe në interes të Kosovës.
Po ashtu acarimi i raporteve me bashkësinë ndërkombëtare nuk është aspak në favor të Kosovës, por edhe strukturat paralele kriminale serbe është i tepërt dhe kundërshtim me Kushtetutën e Republikës së Kosovës. Por pa raportet dhe koordinimin me bashkësinë ndërkombëtare Kosova si shtet nuk mundet ta mbroj as Sovranitetin dhe integritetin territorial, andaj duhet ti kthehem bashkëpunimit dhe koordinimit me zyrtarë Euro Amerikan që edhe në pjesën e veriut të ketë zbatueshmëri të plotë të Kushtetutës dhe ligjeve të KOSOVËS.
