Partia Demokratike e Kosovës (PDK), dega në Prishtinë, ka njoftuar të mërkurën se asamblistja e Lëvizjes Vetëvendosje, Berna Saraçi, ka kaluar në grupin e PDK-së në Kuvendin Komunal të Prishtinës.
Për këtë, ka reaguar Lëvizja Vetëvendosje, dega në Prishtina e cila në nivel lokal është opozitë.
Në kumtesë, pretendohet se asamblistja Berna Saraçi, ka marrë kërcënime dhe shantazhe nga partitë e pushtetit në nivel lokal.
http://199.192.21.43/2023/06/21/pdk-se-ne-prishtine-i-bashkohet-asamblistja-e-lvv-se-berna-saraci/
Sipas VV-së, vetë ajo i ka paraqitur këto kërcënime në mbledhjen e fundit të kryesisë së Qendrës.
“Në mbledhjen e fundit të kryesisë së Qendrës me grupin e asamblistëve, ish asamblistja Berna Saraçi na ka paraqitur shqetësimet e saj në raport me kërcënimet dhe shantazhet që po i bëhen asaj dhe familjes së saj nga eksponentë të partive të pushtetit lokal. Të njëjtët e paraqitën sot aderimin e saj në këtë subjekt si sukses”, thuhet ndër tjerash në reagim.
VV-ja thotë se është e shqetësuar për ish-kolegen, duke aluduar se ka marrë kërcënime.
“Jemi të shqetësuar për Bernën si ish kolege e jona por edhe si qytetare e këtij qyteti. Gratë në politikë kanë nevojë për mbështetje por mbi të gjitha për vendosmëri që t’i bëjnë ballë çfarëdo shantazhi të ndërlidhur për veprimtarinë e tyre politike. Po ashtu në dijeninë tonë ky është një rast i qartë i kërcënimit andaj ju bëjmë thirrje institucioneve të drejtësisë të fillojnë hetimet mbi rastin”, ka deklaruar ajo. /Kosovatimes/
