Nëndetësja Titan nuk është gjetur ende dhe sipas parashikimeve të ekspertëve, furnizimet me oksigjen mbaruan të enjten rreth orës 13:00. Dr. Ken LeDez thotë se vetë mendimi për të qenë “të bllokuar në thellësitë e detit” është i tmerrshëm, por që në varësi të kushteve, disa mund të mbijetojnë më gjatë se sa pritej. Në të njëjtën kohë, kapiteni Ryan Ramsey thotë se ishte i tronditur nga ajo që pa brenda nëndetëses.
“Varet se sa të ftohtë janë dhe sa efikasë janë në ruajtjen e oksigjenit”, tha ai, duke shtuar se dridhja konsumon shumë oksigjen, ndërsa frymëmarrja më e ngadaltë mund të ndihmojë në ruajtjen e oksigjenit.
“Shterimi i oksigjenit është një proces gradual, nuk është si të fikësh dritën, është si të ngjitesh në një mal – temperatura bëhet më e ftohtë dhe metabolizmi ngadalësohet”. Pra, gjithçka varet nga sa shpejt e ngjit atë mal”, thekson eksperti.
Mjeku paralajmëroi se mungesa e oksigjenit nuk ishte rreziku i vetëm me të cilin përballeshin ata në nëndetëse.
Ekuipazhi ka të ngjarë të humbasë energjinë elektrike, gjë që do të ndikojë në sasinë e oksigjenit dhe dioksidit të karbonit në kapsulë. Ndërsa niveli i oksigjenit bie, dioksidi i karbonit që merr frymë ekuipazhi do të fillojë të rritet dhe kjo, tha ai, mund të ketë pasoja fatale.
Mjeku paralajmëroi se mungesa e oksigjenit nuk ishte rreziku i vetëm me të cilin përballeshin ata në nëndetëse.
Ekuipazhi ka të ngjarë të humbasë energjinë elektrike, gjë që do të ndikojë në sasinë e oksigjenit dhe dioksidit të karbonit në kapsulë. Ndërsa niveli i oksigjenit bie, dioksidi i karbonit që merr frymë ekuipazhi do të fillojë të rritet dhe kjo, tha ai, mund të ketë pasoja fatale.
“Ndërsa nivelet e dioksidit të karbonit rriten, atëherë ai bëhet qetësues, bëhet si një gaz anestezik dhe njeriu bie në gjumë”. “Shumë shumë dioksid karboni në qarkullimin e gjakut, i njohur si hiperkapnia, mund të vrasë një person,” shpjegoi LeDez.
Ish-kapiteni i nëndetëseve të Marinës Mbretërore, Ryan Ramsay, tha se kishte parë video të brendësisë së Titanit dhe nuk kishte parë sistemin e heqjes së dioksidit të karbonit, i njohur si pastrues.
Në të njëjtën kohë, ekuipazhi është në rrezik të hipotermisë.
