Nënkryetari i Kuvendit të Kosovës, Enver Hoxhaj, përmes një postimi në llogarinë e tij në Facebook, tha se politika e gabuar e brendshme dhe politika e dëmshme e jashtme e qeverisë së Albin Kurtit, sipas tij e përmbysi partneritetin strategjik me ShBA-në dhe BE-në.
Sipas tij, ai e ka zëvendësuar mbështetjen për Kosovën nga Shtëpia e Bardhë, siç u shpreh, me përkrahjen e kryetarit të një komune evropiane.
“Politika e gabuar e brendshme dhe politika e dëmshme e jashtme e qeverisë së Albin Kurtit përmbysi partneritetin strategjik me ShBA-në, BE-në, Gjermaninë, Francën dhe Britaninë, duke e zëvendësuar mbështetjen për Kosovën nga Shtëpia e Bardhë, me përkrahjen e kryetarit të një komune evropiane! Kjo është paradiplomaci, por jo politikë e jashtme e një shteti sovran dhe të pavarur”, thuhet në postimin e tij. /Kosovatimes/
