Në ShFMU “Fadil Hisari” në Prizren me sukses u organizua kampionati individual i Kosovës për veteranë. Kampionati u zhvillua në 5 kategori individuale dhe në kategorinë çifte, me shumë ndeshje të bukura e kualitative nëpër të gjitha kategoritë. Ndeshjet në të gjitha kategoritë u zhvilluan nëpër grupe me nga 3 e 4 lojtarë, e 2 më të mirët pastaj kanë vazhduar në sistem eliminimi deri në finale.
Në kategorinë 40-49 vjeç kësaj radhe ishin të paraqitur 8 lojtarë të ndarë në 2 grupe. Në gjysmëfinalen e parë Alimemet Kaqaniku fitoi me 3:0 ndaj Ercan Karabacakut, ndërsa në gjysmëfinalen tjetër Ylli Maloku fitoi me 3:1 ndaj Jeton Azizit. Në finale u takuan Alimemet Kaqaniku dhe Ylli Maloku, të cilët ishin takuar edhe në fazën e grupeve e përsëri fitoi Alimemeti i cili u shpall kampion i kësaj kategorie.
Në kategorinë 50-59 vjeç ishin të paraqitur 14 lojtarë të ndarë 4 grupe. Në gjysmëfinalen e parë u takuan Eroll Boshnjaku dhe Naser Hasani, të cilët shfaqen ndeshje të fortë e më shumë kthesa, Naseri ishte shpesh në epërsi, por në fund triumfoi Erolli me rezultat të ngushtë 3:2. Në gjysmëfinalen tjetër Murat Kurtulus fitoi me 3:0 ndaj Hamzi Ajetit të disponuar për lojë. Në finale Murati triumfoi me 3:1 ndaj Erolli dhe u shpall Kampion i kësaj kategorie në vitin e parë debutues.
Në kategorinë 60-64 vjeç ishin të paraqitur 11 lojtarë të ndarë në 3 grupe. Në gjysmëfinalen e parë Nehat Çitaku fitoi me 3:0 ndaj Gani Pireva, në gjysmëfinalen tjetër Remzi Shala fitoi me 3:1 ndaj Nezir Lokajt. Në Finale Nehati triumfoi me 3:0 ndaj Remziut dhe u shpall Kampion i kësaj kategorie në vitin e parë debutues.
Në kategorinë 65-69 vjeç ishin të paraqitur 7 lojtarë të ndarë në 2 grupe. Në gjysmëfinalen e parë Idriz Prestreshi fitoi me 3:0 ndaj Shefqet Jasharit, në gjysmëfinalen e dytë Shasivar Veliu fitoi me 3:0 ndaj Adem Gashit. Në finale Idrizi i bëri rezistencë Shasivarit, por Shasivari fitoi titullin e kampionit me rezultat 3:1.
Në kategorinë mbi 71 vjeç ishin të paraqitur 6 lojtarë të ndarë në 2 grupe, në gjysmëfinalen e parë, Jakup Biba befasoi kampionin e shumëfishtë Shaip Reçica duke fituar me rezultat të ngushtë 3:2, në gjysmëfinalen tjetër Bedri Hoti fitoj me 3:1 ndaj Vehbi Raçit. Në finale u takuan Jakup Biba dhe Bedri Hoti. Bedriu fitoi me rezultat të ngushtë 3:2, siç kishte fituar edhe në fazën e grupeve e shpall kampion i kategorisë për vitin e dytë më radhë.
Në kategorinë çifte ishin të paraqitura 16 dyshe, e pas shumë ndeshjeve interesante në gjysmëfinalen e parë Ercan Karabacak / Eroll Boshnjaku fituan me 3:1 ndaj Ilir Jaha / Murat Kurtulus. Në gjysmëfinalen e dytë me rezultat të ngushtë 3:2 triumfuan Alimemet Kaçaniku / Jeton Azizi ndaj Ylli Maloku / Naser Hasani. Në finale u takuan Ercan Karabacak / Eroll Boshnjaku dhe Alimemet Kaçaniku / Jeton Azizi ku pas një dueli të fortë Ercan Karabacak / Eroll Boshnjaku arritën ta fitojnë ndeshjen me rezultat 3-1.
FITUESIT
Kategoria 40-49 vjeç
1.Alimehmet Kaqaniku
2.Ylli Maloku
3.Erxhan Karabaxhaku
3.Jeton Azizi
Kategoria 50-59 vjeç
1.Murat Kurtulus
2.Eroll Boshnjaku
3.Naser Hasani
3.Hamzi Ajeti
Kategoria 60-64 vjeç
1.Nehat Çitaku
2.Remzi Shala
3.Nezir Lokaj
3.Gani Pireva
Kategoria 65-69 vjeç
1.Shasivar Veliu
2.Idriz Prestreshi
3. Shefqet Jashari
3.Adem Gashi
Kategoria mbi 70 vjeç
1.Bedri Hoti
2.Jakup Bibaj
3.Vehbi Raçi
3.Shaip Reçica
Kategoria çifte
1.Ercan Karabacak / Eroll Boshnjaku
2.Alimemet Kaçaniku / Jeton Azizi
3. Ilir Jaha / Murat Kurtulus
3.Ylli Maloku / Naser Hasani /Kosovatimes/
