Sekretari i Sigurisë dhe Mbrojtjes së Qytetarëve në shtetin Chiapas tha në një deklaratë se të 14 policët ishin burra dhe se një operacion ajror dhe tokësor është duke u zhvilluar për gjetjen e tyre.
Një zyrtar i policisë së shtetit, i cili kërkoi të mos citohet si i paautorizuar për të folur me gazetarët, tha se oficerët po udhëtonin drejt kryeqytetit të Chiapas me një kamion transporti personeli kur u kapën nga disa kamionë që mbanin persona të armatosur.
Gratë e liruara
Gratë në veturë janë liruar, ndërsa meshkujt janë marrë, tha zyrtari.
Rrëmbimi ka ndodhur në autostradën midis Okozokoautla dhe Tuxtla Gutierrez, shkruan ABC.
Dhuna në zonën kufitare të Meksikës me Guatemalën është përshkallëzuar muajt e fundit mes një mosmarrëveshjeje territoriale midis kartelit Sinaloa – i cili dominonte zonën – dhe kartelit të gjeneratës së re Jalisco.
