Liderë partiakë e institucionalë shtetëror kanë nisur vizitat e tyre në Bashkësinë Islame të Kosovës, me rastin e festës s1% Kurban Bajramit.
Abdixhiku uron festën e Kurban Bajramit, ditë reflektimi për sakrificën
Kryetari i LDK-së ka uruar festën e Kurban Barjamit si një ditë reflektimi për sakrificën, durimin e dhembshurinë njerëzore.
Ai, përmes rrjetit social Facebook, u shpreh se solidariteti dhe vullneti për të ndarë të mirat me të tjerët në vështirësi e nevojë janë vlera të çmuara njerëzore tonat, me shpresën e dëshirën që të ndërtohet një vend e shoqëri të shëndoshë e solidare.
“Festa e Kurban Bajramit është ditë e veçantë në familjet tona. Ajo gjithmonë ka qenë ditë e rëndësishme reflektimi për sakrificën, durimin e dhembshurinë njerëzore. Në këtë ditë, në veçanti në këtë ditë, ne bashkë shpërfaqim dashurinë dhe mirësinë për njëri-tjetrin.
Le të kujtojmë se solidariteti dhe vullneti për të ndarë të mirat me të tjerët në vështirësi e nevojë janë vlera të çmuara njerëzore tonat. Derisa i manifestojmë ato nën qiellin e Krijuesit, le të përpiqemi që të jemi më të mirë, më të ndershëm, më të kujdesshëm. Dhe në këtë rrugëtim tonin, le të ndërtojmë një vend e shoqëri të shëndoshë e solidare.
Në emrin tim dhe të Lidhjes Demokratike të Kosovës ju uroj festën e Bajramit të Vogël. Festa dhe gëzimi qofshin përherë në familjet tuaja!”, ka shkruar Abdixhiku.
Kryetari i PDK-së, Memli Krasniqi, ka vizituar Bashkësinë Islame të Kosovës, me rastin e festës së Kurban Bajramit.
Ai, me këtë rast u shpreh se kjo festë simbolizon solidarizimin sakrificën e çdonjërit në këtë kohë.
Tutje, Krasniqi tha se duhet të bëjmë punë të mira në ktë kohë për vendin tonë.
Krasniqi i ka kujtuar e urar këtë ditë edhe ish- krerët e UÇK-së të cilët vazhdojnë të mbahen në Hagë.
Kryetari i AAK-së, Ramush Haradinaj, ka vizituar Bashkësinë Islame të Kosovës, me rastin e festës së Kurban Bajramit.
Ai, me këtë rast, ka uruar festën e Kurban Bajramit gjithë besimtarëve.
Haradinaj: në vazhdimësi na kanë përcjellë akrifica e dhembjes dhe e vuajtjes
Haradinaj tha si popull na kanë përcjellë në vazhdimës sakrifica e dhimbjes dhe vuajtjeve dhe shprehu falenderimin për myftiun Tërnava dhe BIK-un për kujdesin dhe tha se kështu duhet të ecim së bashku.
Kryeminsitri i Kosovës, Albin Kurti, ka vizituar Bashkësinë Islame të Kosovës, me rastin e festës së Kurban Bajramit.
Ai, me këtë rast, u shpreh se këtë ditë e nisi duke vizituar Bashkesin Islame të Kosovës, për të uruar e gëzuar për ditën e Kurban Bajramit.
Tutje, kryeministri Kurti tha se të mirat, duke i ndarë, shtohen e nuk zvoglohen, sepse, shtoi ai, ndarja e të mirave me te tjerët bëhen të mira për të gjithë dhe “nuk ka ditë më të përshtatshme për ta kumtuar këtë dhe për ta konkretizuar, sesa Festa e Bajramit”.
