Përfaqësuesi i lartë i BE-së, Josep Borrell, ka bërë të ditur se sot do i informojë liderët për zhvillimet e fundit në veri të Kosovës.
Përmes një postimi në Twitter, ai ka njoftuar se në ditën e dytë të takimit të Këshillit të Bashkimit Evropian, ka pasur një diskutim të rëndësishëm për Kinën.
Në Bruksel është duke vazhduar samiti i liderëve të vendeve të Bashkimit Evropian, në të cilin, ndër tjerash temë për diskutim janë edhe tensionet në raportet ndërmjet Kosovës dhe Serbisë.
Për këtë është diskutuar edhe ditën e parë të samitit, së pari në një takim të përbashkët që liderët e BE-së patën me sekretarin e Përgjithshëm të NATO-s, Jens Stoltenberg, e pastaj edhe në takimin e shefave të shteteve të BE-së. /Kosovatimes/
