Nënkryetarja e PDK-së, Vlora Çitaku, ka reaguar pas masave të BE-së që kanë hyrë në fuqi ndaj Kosovës si shkak i situatës në veri.
Çitaku tha se Kosova sot është e përçarë nga brenda dhe e sanksionuar nga aleatët, teksa sipas saj ky rezultat është i kryeministrit të vendit, Albin Kurti.
“Vlerat monetare të humbura nga ky sanksionim janë pakrahasimisht më të vogla se dëmi që i është bërë kredibilitetit të Kosovës në arenën ndërkombëtare”, tha Çitaku.
Më tej, ajo tha se Kurtit s’i bëhet vonë për MSA-në e as për IPA-n, ku shtoi se “Kosova nuk i takon një njeriu”.
“Unë e di që Kurtit nuk i bëhet vonë as për MSA e as për IPA. Tek e fundit ai dhe VV nuk kanë votuar për ratifikimin e MSA në Kuvend”, tha ajo. /Kosovatimes/
