Mbikëqyrësi rus i komunikimeve Roskomnadzor ka bllokuar mediat e lidhura me Yevgeny Prigozhin.
Këtë e ka publikuar sot gazeta ruse Kommersant, duke kujtuar se kreu i grupit mercenar të Wagner organizoi një rebelim të shkurtër të shtunën e kaluar.
Autoritetet ruse nuk e nxorën jashtë ligjit grupin e Wagner-it pas rebelimit të dështuar, por sipas një marrëveshjeje që i dha fund krizës, luftëtarëve të tij iu dha mundësia të integroheshin në forcat e armatosura të rregullta të Rusisë, të bashkoheshin me liderin e tyre në mërgim në Bjellorusi ose të ktheheshin në shtëpi.
