Presidenti amerikan Joe Biden do të jetë në një turne diplomatik në Evropë nga 9 deri më 13 korrik.
Ai do të vizitojë Britaninë e Madhe dhe Finlandën dhe do të marrë pjesë në samitin e NATO-s në Lituani, njoftoi sot Shtëpia e Bardhë.
Biden do të takohet me Mbretin Charles III dhe kryeministrin britanik Rishi Sunak në Londër me qëllim të forcimit të bashkëpunimit, tha zëdhënësja e Shtëpisë së Bardhë Karin Jean-Pierre.
Presidenti amerikan do të shkojë më pas në Vilnius për një samit dyditor të NATO-s më 11 dhe 12 korrik dhe në fund të turneut të tij evropian, ai do të vizitojë Finlandën më 13 korrik.
Finlanda u bashkua zyrtarisht në NATO në prill. Vendi aplikoi për anëtarësim në shkurt 2022, pas pushtimit rus të Ukrainës, në të njëjtën kohë me Suedinë.
Megjithatë, kandidatura e Suedisë është e bllokuar nga Turqia dhe Hungaria.
Para udhëtimit, Biden do të presë të mërkurën në Shtëpinë e Bardhë kryeministrin suedez Ulf Kristerson.
