Mbrojtja ajrore ruse rrëzoi tre mjete ajrore pa pilot në Podmoskovlje, njoftoi sot agjencia shtetërore TASS, duke shtuar se nuk pati viktima.
Sipas informacioneve të para, dy avionë po lëviznin drejt Moskës dhe “u neutralizuan nga sistemi i luftës elektronike”, sipas deklaratës së shërbimit të situatës emergjente të raportuar nga TASS.
Agjencia ruse RIA Novosti raportoi se dy avionë u rrëzuan pranë fshatit Valuevo afër Moskës.
Droni i tretë u rrëzua në rajonin Kaluga, në jugperëndim të Moskës, njoftoi agjencia TASS, duke shtuar se nuk pati viktima.
Moska dhe rajoni i saj, më shumë se 500 kilometra nga kufiri ukrainas, rrallë janë shënjestruar nga sulmet me dronë që nga fillimi i ofensivës në Ukrainë në shkurt 2022. Megjithatë, ky lloj sulmi është shumëfishuar gjetkë në Rusi.
Autoritetet ruse njoftuan më 21 qershor se kishin neutralizuar tre drone në rajonin e Moskës, duke përfshirë dy pranë një baze ushtarake. Autoritetet ukrainase më pas u akuzuan si përgjegjëse për sulmin.
