Në një video ekskluzive të publikuar nga The Geopost, shihet qartë një ambulancë që i afrohet Mbrojtjes Civile dhe i tregon se ku janë armët.
Deputetja e Britanisë së Madhe, Alicia Kearns , në fjalimin e djeshëm në Kuvend ka folur sërish për situatën në veri të Kosovës, duke theksuar se fajtori kryesor është Serbia.
Ajo tha se armët e kontrabanduara nga Serbia në Kosovë fshihen në automjete mjekësore dhe shkarkohen në kishat ortodokse. Kearns tha se KFOR-i është i vetëdijshëm për këtë problem.Qeveria e Kosovës më herët e ka shpallur Mbrojtjen Civile organizatë terroriste dhe të rrezikshme për sigurinë e Kosovës.
Më 13 qershor, policia e Kosovës ka arrestuar Milun Milenkoviqin , i njohur si Lune, i cili është një nga organizatorët kryesorë të sulmeve ndaj pjesëtarëve të KFOR-it gjatë situatës së tensionuar në komunat në veri të vendit. .
