Shkencëtari kontrovers kinez, He Jiankui , i cili tronditi shkencëtarët në mbarë botën kur zbuloi në vitin 2018 se lindën fëmijët e parë me “gjene të modifikuara”, shkaktoi edhe një herë mosbesim me propozimin e tij për të modifikuar embrionet njerëzore.
Në një dokument të publikuar në profilin e tij në Twitter, ai paraqiti një propozim kërkimor që do të përfshinte redaktimin e gjeneve të embrioneve të miut, dhe më pas në qelizat e fekonduara njerëzore, për të përcaktuar nëse ky mutacion i krijuar artificialisht mbron nga sëmundja e Alzheimerit. Në propozim, megjithatë, thuhet se këto embrione njerëzore të modifikuara nuk do të implantohen dhe eksperimentet duhet të miratohen nga shteti.
Duke qenë se He Jiankui u dënua me tre vjet burg në Kinë në vitin 2019 për “praktikë të paligjshme mjekësore”, është e vështirë të besohet se ai mund të marrë miratimin nga rregullatorët kinezë për të kryer eksperimente të tilla.
Kujtojmë se pas njoftimit të tij për “foshnjat e modifikuara”, autoritetet kineze shtrënguan rregullat dhe standardet etike që rregullojnë kërkimin shkencor mbi gjenet njerëzore. Ata gjithashtu e ndaluan He Jiankui që të angazhohej në çdo biznes që lidhej me riprodhimin e asistuar dhe kufizuan aksesin e tij në burimet gjenetike njerëzore.
Pavarësisht kësaj, propozimi i tij i shpallur publikisht ngatërroi si shkencëtarët ashtu edhe ekspertët e etikës mjekësore.
E gjithë kjo është, sinqerisht, e çmendur, tha për CNN Peter Dröge , një profesor i asociuar në Universitetin Teknologjik Nanyang në Singapor . Ai vuri në dukje se hulumtimi i propozuar mund të konsiderohet një hap në kërkimin e manipulimit të gjeneve në të ardhmen.
Ai në thelb dëshiron të modifikojë gjenetikisht speciet njerëzore në mënyrë që ata të mos sëmuren nga sëmundja e Alzheimerit , tha ai.
Kur u pyet nga CNN, He Jiankui u përgjigj vetëm shkurt se ai aktualisht po mbledh komente nga shkencëtarët dhe bioetikët dhe se ai nuk ka një afat kohor për studimin. Ai shtoi se nuk do të kryejë asnjë eksperiment derisa të marrë lejen nga qeveria, por edhe se në këtë rast bëhet fjalë për një studim të mundshëm paraklinik, raporton CNN .
