Shefi i Grupit Parlamentar të AAK-së, Besnik Tahiri, ka folur për mocionin e mosbesimit ndaj Qeverisë së Kosovës që e ka iniciuar ky subjekt politik.
Ai, në një konferencë për media, ka deklaruar se të gjithë deputetët e partive opozitare dhe të pakicave pa Listën Serbe, mund të rrëzojnë Qeverinë Kurti.
“Rruga është që partitë opozitare që kanë biseduar me shefat e grupeve t’i vendosin nënshkrimet dhe të sjellim një vendim në Kuvend”.
“Jam i bindur se një shumicë shqiptare dhe pakicave, pa Listën Serbe, është e gatshme t’ia jep verdiktin kësaj qeverie që e dobësoi Kosovën në rrafshin ndërkombëtar dhe e varfëroi skajshmërisht në rrafshin e brendshëm”, ka thënë Tahiri.
