Lëvizja Vetëvendosje, Dega në Prishtinë, duke iu referuar gjetjeve dhe rekomandimeve që ka dhënë Zyra Kombëtare e Auditimit në Raportin Vjetor të Auditimit për Komunën e Prishtinës për vitin 2022, ka kritikuar qeverisjen aktuale per keqpërdorim. Madje ata theksuan se te gjitha gjetjet do tia adresojnë organeve te drejtësisë.
Sipas LVV-së, Zyra Kombëtare e Auditimit ka dhënë opinion të kualifikuar për pasqyrat financiare vjetore të Komunës së Prishtinës për vitin 2022.Violeta Salihu nga kjo parti ka sqaruar se Opinioni i Kualifikuar jepet në rastin kur janë zbuluar keqdeklarime ose mospajtueshmëri.
“Sipas standardeve të auditimit, Opinioni i Kualifikuar jepet në rastin kur janë zbuluar keq deklarime ose mos pajtueshmëri, kur e tejkalojnë nivelin e materialitetit për pasqyrat financiare”, tha Salihu.
Asamblisti i Lëvizjes Vetëvendosje në Prishtinë, Ermal Osmani, ka paraqitur disa argumente siç tha të keqpërdorimit, duke sqaruar se ka pasur keq klasifikim ku nga buxheti për investime kapitale janë paguar 2 milionë euro shpenzime që për nga natyra nuk i takojnë kësaj kategorie.
Osmani tha se disa nga këto gjetje do t’i adresojnë tek organet e drejtësisë, për shkak të dyshimit për vepër penale.
“Po filloj me mashtrimin e parë që është tentuar të bëhet duke keq klasifikuar në kategoritë ekonomike ku nga buxheti për investime kapitale janë paguar 2 milionë euro shpenzime që për nga natyra nuk i takojnë investimeve kapitale”, ka thene ai.
“Prezantim i pasakte i llogarive të arkëtueshme në taksat e infrastrukturës kemi shumë të mbivlerësuar për 98 mijë euro dhe nga të arkëtueshmet nga lejet e ndërtimit ishin nënvlerësuar për 250 mijë euro”.
“Mosprezantim i saktë i detyrimeve kontingjente në raportin vjetor financiar ku si pasojë e dyfishimeve ato ishin mbivlerësuar për 11 milionë euro. Tejkalimi i furnizimeve të sasive të përcaktuara në kontratë”, tha ai. /Kosovatimes/
