Në shkollën “Tefik Çanga” në Ferizaj, përfaqësuesja e Kosovës në pingpong ka filluar përgatitjet intensive për të përfaqësuar vendin në Kampionatin Evropian të Pingpongut për të Rinj në Poloni. Kampi përgatitor do të mbahet nga data 6 deri më 12 korrik, me lojtarët e përfaqësueseve në grupet e moshave U15 femra, U15 meshkuj, U19 femra dhe U19 meshkuj.
Këto ditë të përgatitjeve janë të rëndësishme për të avancuar aftësitë teknike dhe taktike të lojtarëve përballë konkurrencës ndërkombëtare. Synimi i tyre është të paraqiten në formën më të mirë në Kampionatin Evropian, i cili do të mbahet në Gliwice, Poloni, nga 14 deri më 23 korrik 2023.
Të përzgjedhurit për këtë kamp përgatitor janë:
Lojtare femra:
Shega Hashani,
Lenë Osmani,
Leoresa Imeri,
Taibe Ruli,
Maxhire Sojeva,
Ajola Behluli;
Lojtar meshkuj:
Blend Hajdari,
Erjon Reka,
Adriatik Maloku,
Akil Mahmuti,
Art Karabaxhaku,
Amant Sejdiu.
Lojtarët do të marrin pjesë në seanca intensive trajnimi të drejtuar nga trajnerët profesionistë, si, Samir Llazi, Feim Rama, Eroll Karabaxhaku, Fatih Karabaxhaku dhe Ridvan Hashani janë trajnerët e përgjegjshëm për t’i udhëhequr lojtarët në kamp. Ata kanë përvojë të gjerë dhe do të ndihmojnë lojtarët të përmirësojnë aftësitë e tyre të lojës.
Përfaqësuesja e Kosovës në pingpong shpreson që përgatitjet intensive do t’u japin lojtarëve vetëbesim dhe gatishmëri për të përballuar sfidat e Kampionatit Evropian të Pingpongut për të Rinjë Ata do të përfaqësojnë me krenari Kosovën dhe do të luftojnë për të arritur rezultate të shkëlqyera në arenën ndërkombëtare. /Kosovatimes/
