Pas shpërfaqjes së përgjimeve të publikuara të shefes së grupit parlamentar të LVV, Mimoza Kusari, për herë të parë është deklaruar kreu i qeveris së Kosovës Albin Kurti gjatë vënies së gurthemelit të Qendrës Multifunksionale në Podujevë. Ai i ka quajtur interpretime partizane incizimet e publikuara në mënyrë që njerëzit të mos mund ta dëgjojë gjithë bisedën. Ai ka kërkuar që organet e drejtësisë të merren me to, ndonëse ka pranuar se asaj i është lëshuar në interfon Milan Radojçiqi në zyrën në Kuvend.
“Së pari aty shefja e Grupit dëgjohet disa sekonda e shumë minuta ka internime partizane në mënyrë që njerëzit të mos mendojnë për atë që po dëgjojnë, është një incizim i gjymtuar dhe duhet që organet e drejtësisë të merren me të. Ajo bashkëbisedon me shefat e grupeve, ajo e ka obligim që të sigurojë sa më shumë vota. Ju e dini shumë mirë që qeveria ka zero varësi nga Lista Serbe, unë as që kam komunikuar e as që jam takuar me personin nën fjalë”, tha ai.
Ai ka lutur mediat të kenë kujdes siç ka thënë për luftën hibride të Serbisë që përmes incizimeve po synon të shkaktojë konfuzion.
“Ju lus që të keni kujdes ndaj kësaj lufte hibride nga Serbia që i bëhet Kosovës, edhe po përpiqen që me incizime të shkaktojnë konfuzion te opinioni publik”. /Kosovatimes/
