Policia Kosovës ka njoftuar për një vrasje në tentativë që ka ndodhur në Sibofc të Podujevës. Sipas Policisë, rasti ka ndodhur të mërkurën rreth orës 19:34. “Viktima mashkull kosovar ka raportuar se derisa kishte qenë duke e drejtuar veturën në drejtim të tij kishte gjuajtur me armë zjarri i dyshuari mashkull kosovar”, ka njoftuar PK në raportin e saj ditor.
Policia ka sqaruar se vetura e viktimës ishte qëlluar me pesë predha në pjesën e pasme-bagazh.
Njësitë relevante të policisë kanë dalë në vendin e ngjarjes, është kontrolluar shtëpia e të dyshuarit, por nuk është gjete asgjë e dyshuar.
I dyshuari nuk është hasur nga policia dhe gjendet në arrati.
