Vrasjet dyshohet se kanë lidhje me biznesin e lojërave të fatit. Sipas mediave, Bajrami ishte pronar i një kazinoje në Shkup.Mediat greke cituan burime të policisë lokale në Halkidiki të thonë se vrasja dukej të ishte “hakmarrje mafioze”.
Sulmuesit erdhën me motoçikleta, të maskuar, në mes të natës dhe qëlluan me më shumë se 20 plumba biznesmenin maqedonas Orhan Bajrami në një apartament luksoz në Hanioti, Halkidiki.
Bajrami (39) ka mbetur i vrarë, ndërsa shtetasi maqedonas Sead S. është plagosur dhe është dërguar në spital.
“Ata u dërguan në spitalin e Halkidikit, ku njëri iu nënshtrua plagëve të marra, ndërsa tjetri për nga ashpërsia e plagëve të marra, u transferua në një spital tjetër në Poligiros”, njofton MPB .
Sipas mediave maqedonase, Bajrami i vrarë është pjesëtar i klanit Ducandjik/Grcec, i cili prej vitesh është në luftë me një klan tjetër nga Shkupi, Baron.
Mediat greke cituan burime të policisë lokale në Halkidiki të thonë se vrasja dukej të ishte “hakmarrje mafioze”.
Mesditën e së shtunës, Bajrami është dashur të dalë dhe të largohet nga resorti luksoz, ku marrja me qira e një apartamenti kushton 600 euro në ditë. Vrasësit supozohet se e dinin këtë.
Përveç Bajramit dhe Seadit, në banesë ndodheshin edhe tre persona të tjerë – një burrë dhe dy vajza, por nuk u qëlluan.
Hanioti pas likuidimit u bllokua nga patrullat e policisë, ndërsa po kontrollohen pikat kufitare drejt Maqedonisë, Bullgarisë dhe Turqisë, pasi supozohet se vrasësit kanë ardhur nga jashtë Greqisë dhe do të ikin përtej kufirit.
Në mars, në Shkup u vranë edhe bashkëpunëtorët e tij të ngushtë Jeton Krivanjeva i njohur ndryshe si Zhila dhe Enes Iseinov i njohur ndryshe si Laci. Vrasjet dyshohet se kanë lidhje me biznesin e lojërave të fatit. Sipas mediave, Bajrami ishte pronar i një kazinoje në Shkup./Kosovatimes/
