Një gazetar meksikan u vra dje në Acapulco, një vendpushim i famshëm meksikan në brigjet e Paqësorit, njoftoi zyra e prokurorit rajonal, duke konfirmuar vrasjen e një gazetari të dytë brenda një jave në Meksikë.
Drejtori i një portali lokal lajmesh, Nelson Matus, u vra në një parking pranë një dyqani, njoftoi prokuroria dhe njoftoi se kishte hapur një hetim për krimin e vrasjes me armë zjarri.
Nelson Matus punoi për 15 vjet si gazetar, kryesisht duke raportuar mbi dhunën që tronditi shtetin jugperëndimor meksikan të Guerrero, tha përfaqësuesja e Reporterëve pa Kufij në Meksikë, Balbina Flores.
Sipas Reporterëve pa Kufij, 150 gazetarë janë vrarë në Meksikë që nga viti 2000.
Me 13 gazetarë të vrarë në vitin 2022, sipas autoriteteve, Meksika ishte një nga vendet më të dhunshme në botë për profesionistët e informacionit, kryesisht për shkak të dhunës së krimit të organizuar në disa shtete në brendësi të vendit.
Trupi i korrespondentit të “Jornado” Luis Martin Sanchez u gjet më 8 korrik me gjurmë dhune pak ditë pas zhdukjes së tij në shtetin Nayarit, në veriperëndim të vendit.
