Një çift që udhëtonin me makinë mbeti i vrarë dhe vajza e tyre u plagos, në një incident që ndodhi mëngjesin e sotëm në urën e Krimesë, konfirmoi guvernatori i rajonit jugperëndimor rus të Belgorodit, raporton CNN.
Natën e 17 korrikut, një “incident emergjent” ndodhi në urën e Krimesë, tha kreu i Krimesë, Sergej Aksyonov. Kanalet telegrame pro-Kremlinit raportuan dy sulme me raketa në urë nga Forcat e Armatosura të Ukrainës në orën 3:04 dhe 3:20 me orën e Moskës. Për pasojë dy persona kanë humbur jetën dhe një fëmijë ka mbetur i plagosur.
“Ne e nisëm mëngjesin me informacione për emergjencën që ndodhi në urën e Krimesë. Të gjithë kemi parë një video të një makine të dëmtuar me targa Belgorod në internet”, ka shkruar Vyacheslav Gladkov në Telegram.
"The bridge was attacked with the help of surface drones. It was difficult to reach the bridge, but in the end it was possible to do it," stated allegedly an unnamed source in the Security Service of #Ukraine to RBC-Ukraine. pic.twitter.com/AQ597Vv3gj
— NEXTA (@nexta_tv) July 17, 2023
“Vajza u plagos… Gjëja më e vështirë është se i vdiqën prindërit”, shtoi Gladkov, transmeton Kosovatimes , duke iu referuar CNN.
Agjencia ruse e lajmeve Tass tha se fëmija do të dërgohet në rajonin Krasnodar të Rusisë.
Agjencia ruse raporton se trafiku mbi urën e Krimesë është pezulluar.
Për kujtim, trafiku në urën e Krimesë është ndalur herët në mëngjes, ndërsa në raportet e para thuhet se janë dëgjuar shpërthime.
Përfaqësuesi i inteligjencës ushtarake të Ukrainës Andriy Yusov nuk pranoi të komentojë mbi shpërthimin në urë. Ai citoi fjalët e Kirill Budanov, kreut të GUR: “Ura e Krimesë është një ndërtim i panevojshëm atje”.
Forcat e Armatosura të Ukrainës u përpoqën të sulmonin urën e Krimesë më 9 korrik. Më pas, në rajonin e Kerçit, mbrojtja ajrore ruse rrëzoi një raketë lundrimi, pas së cilës trafiku në urë u ndal përkohësisht në të dy drejtimet./Kosovatimes/
