Anëtari i LVV-së, Sadri Ramabaja, ka parashtruar padi ndaj deputetit Mërgim Lushtaku i cili në një emision më 13 korrik 2023, të PRESSING, TV7, i cili e ka lidhur atë me UDB-në.
“Kjo sortë e banditëve të katapultuar në Parlament, qenie të shpërftyruarara politike e pa identitet politik, duke harruar se epoka e luftës speciale ndaj ish të burgosurve politikë [kështu vepronte një eshalon i specializuar i UDB-së në vitet ’80-ta duke filluar me Adem Demaçin, Hydajet Hysenin, Ibrahim Kelmendin e deri tek vogëlsia ime; po kështu veproi edhe një strukturë e tërë e LDK-së në vitet ’90-ta dhe më pas mekanizmi i strukturuar i PDK-së i njohur si SHIK në vitet e pasluftës], duke parapërgatitur terrenin edhe për likuidim fizik të kundërshtarëve politikë”, ka publikuar në rrjetet sociale. Ramabaja.
Sipas tij viktimë e kësaj lufte speciale siç dihet ishte ideologu i LPK-së, Beajdin Hallaqi, ndërkaq pas luftës edhe një sërë aktivistësh të LDK-së.
“Por nëse atëbotë kjo sortë bëri ç’deshti, sot Republika ka mekanizmat e saj, Drejtësinë, e tillë si është, para së cilës ata duhet të japin përgjegjësi. Unë sot bëra hapin e parë – bazuar në nenin 4, paragr. 1 lidhur me nenin 14, paragr. 1 i Ligjit Civil kundër shpifjes dhe fyerjes, nr. 02/L-65, dorëzova padinë kundër Mërgim Lushtakut”, ka thënë Ramabaja. /Kosovatimes/
