Policia e Kosovës ka arrestuar dy persona të dyshuar për veprën penale “dëmtim apo asgjësim i pasurisë”.
Policia në njoftimin e saj thotë se dy të dyshuarit kanë dëmtuar- thyer xhamat e lokalit dhe të automjetit të viktimës M.K./Sh.
“Lidhur me rastin janë ndërmarrë veprime të nevojshme hetimore me ç’ rast janë identifikuar dhe arrestuar dy të dyshuarit, N. Z., 25 vjeçar dhe I. Z., 53 vjeçar, të dy shtetas të Republikës së Kosovës. Të gjitha veprimet hetimore i janë paraqitur prokurorit të rastit. Rasti është iniciuar dhe është duke u hetuar për veprën penale ‘’Dëmtim apo asgjësim i pasurisë”, thuhet në njoftim.
Sipas policisë pas intervistimit, me urdhër të prokurorit të dyshuarit N. Z., i është caktuar masa e ndalimit, ndërsa i dyshuari tjetër është liruar në procedurë të rregullt.
