Temperaturat e larta mund të sjellin një sërë problemesh shëndetësore. Të moshuarit, veçanërisht pacientët kardiovaskularë e kanë më të vështirë të përballojnë vapën dhe se është e rëndësishme të qëndrojnë në shtëpi, në dhoma të ftohta.
Edhe pse ka bashkëqytetarë të moshuar që mund të mos jenë adhurues të pajisjeve ftohëse siç janë kondicionerët, por klimatizimi është e keqja më e vogël dhe mund të shpëtojë shumë jetë gjatë ditëve të nxehta. Kur bëhet fjalë për pacientët që vuajnë nga astma, lagështia e lartë mund të përkeqësojë simptomat. Për ta, rekomandohet shmangia e ushqimeve të pasura me karbohidrate, pasi tretja e tyre mund të rrisë përpjekjet e frymëmarrjes.
Gjithashtu, këshillohet të konsumoni më pak karbohidrate dhe rekomandon marrjen e më shumë lëngjeve, si uji, limonadat e ëmbla ose çajrat. Për të ruajtur energjinë e zemrës, ai rekomandon futjen e sheqernave të shpejta, si mjalti apo frutat si shalqiri, të cilat përmbajnë ujë dhe sheqer që do të kënaqin trupin.
Kur bëhet fjalë për të rinjtë, temperaturat e larta mund të shkaktojnë kolaps, sidomos te femrat me presion të ulët të gjakut. Andaj rekomandohet të keni gjithmonë lëngje në dorë, si limonadë të ëmbël ose ujë, si dhe ushqime të kripura për të rimbushur elektrolitet e humbura nga djersa.
