Sot mbahet takimi i parë i Grupit Koordinues për anëtarësimin e Republikës së Kosovës në Këshillin e Evropës.
Në këtë takim marrin pjesë kryeministri i Kosovës, Albin Kurti dhe zëvendëskryeministrja dhe mnistrja e Punëve të Jashtme dhe Diasporës, Donika Gërvalla-Schwarz.
Ndryshe javë më parë Qeveria e Kosovës ka miratuar Propozimin e vendimit për themelimin e Grupit Koordinues për anëtarësimin e Republikës së Kosovës në Organizatën Ndërkombëtare Këshilli i Evropës.
Komiteti Ministror i Këshillit të Evropës, muaj më parë ka marrë vendim që t’ia përcjellë Asamblesë Parlamentare të Këshillit të Evropës kërkesën për anëtarësimin e Kosovës.
Kosova ka aplikuar për anëtarësim në Këshillin e Evropës më 12 maj 2022.
Këshilli i Evropës, organizata më e vjetër evropiane që merret me zhvillimin e demokracisë dhe të drejtat e njeriut, ka procedura të caktuara për pranimin e anëtarëve të rinj. Këto procedura kalojnë përmes Këshillit të Ministrave dhe Asamblesë Parlamentare, ku marrin pjesë deputetët nga parlamentet e shteteve anëtare.
