Objekti i ETC-së në Klinë është përfshirë nga flakët. Ngjarja ka ndodhur në mëngjesin e sotëm, rreth orës 06:30.
Lajmin e ka konfirmuar për media zëdhënësi i Policisë së Kosovës në rajonin e Pejës, Fadil Gashi, sipas të cilit, objekti i ETC-së është përfshirë nga flakët, derisa bëri të ditur se deri më tani nuk ka të lënduar dhe që po bëhen përpjekje për të lokalizuar zjarrin.
“Objekti i ETC-së është përfshirë nga zjarri rreth orës 06:30. Policia e zjarrfikësit janë në vendin e ngjarjes”, ka deklaruar ai.
Bëhet e ditur se në ndihmë të Policisë e të zjarrfikësve të Klinës u kanë ardhur edhe zjarrfikësit nga Peja e Deçani.
