Një rus i quajtur Mihail Raduga humbi “shumë gjak” gjatë ndërhyrjes së tij neurokirurgjike dhjetë orëshe, të cilën dyshohet se e kreu vetë në shtëpi muajin e kaluar.
Pavarësisht se zgjodhi të operonte trurin e tij, Raduga pranoi se nuk kishte kualifikime për neurokirurgji dhe mbante pjesët e lëkurës së bashku me kapëse ndërsa përdorte një turbane që gjeti në një dyqan mjetesh për të implantuar elektrodën.
Duke folur për procedurën, ai tha: “Gjatë 30 minutave të para isha gati të dorëzohesha shumë herë, sepse para së gjithash humba shumë gjak, rreth një litër. Kisha frikë se mos më binte të fikët”.
Ai shtoi se ishte i gatshëm të bëhej një kurban sepse beson se procedura një ditë mund të jetë shumë e dobishme dhe t’i lejojë njerëzit që me vetëdije të hyjnë në ëndrra sa herë që duan.
“Jam i lumtur që mbijetova, por isha edhe gati të vdisja. Për shumë njerëz do të jetë një lloj argëtimi. Tani imagjinoni një person të paralizuar që nuk mund të përjetojë asgjë në këtë jetë, dhe tani po gjejmë një mënyrë për ta ndihmuar atë të hyjë në një ëndërr të vetëdijshme në të cilën gjithçka është e mundur: të bëjë seks, të hajë diçka, të bëjë diçka interesante”, tha rusi.
Pesë javë pas implantimit të çipit, Raduga e hoqi atë, por ka shqetësime se ai tashmë mund të vuajë dëmtime afatgjatë nga procedura.Neurokirurgu Alex Green nga Universiteti i Oksfordit (MB) tha se një procedurë e tillë është jashtëzakonisht e rrezikshme:
“Neurokirurgjia duhet të kryhet nga neurokirurgë me përvojë dhe të kualifikuar. Përndryshe, mund të ndodhin komplikime të ndryshme, p.sh. gjakderdhje nga një venë kortikale ose enë intracerebrale. Mund të pësoni një goditje me pasoja të përhershme ose vdekje”.
Ai shtoi se ndoshta jemi disa dekada larg nga të qenit në gjendje të kontrollojmë ëndrrat me implante.
