Një Tantrik është një praktikues i Tantra, i cili është një tjetër degë e sistemeve të besimit hindu dhe budist.
Në atë moment, temperatura tashmë kishte rënë në tre gradë. E nxorën me shpejtësi dhe e dërguan në spital, ku gjendja e saj u stabilizua.
– Po kaloja pranë pellgut rreth orës shtatë e tridhjetë të mbrëmjes, kur dëgjova një foshnjë duke qarë. Të qarat e saj më çuan në vendin ku ishte varrosur. E gërmova shpejt dheun dhe e gjeta të gjallë – thotë Kumar.
Ai e çoi fëmijën në një spital shtetëror aty pranë dhe njoftoi policinë.
– Është një akt kaq mizor. Nuk mund ta besoj që dikush mund të lërë një fëmijë në një mot kaq të ftohtë – shton Kumar.
Three-week old baby girl buried alive in northern India rescued after locals hear her crying and dig her out https://t.co/BsMkPVSZeD
— Daily Mail Online (@MailOnline) January 21, 2019
Një hetim i policisë zbuloi se babai (30) dhe nëna (28) varrosën fëmijën e tyre të tretë së bashku me dy të afërm me urdhër të një shamani lokal, i cili pretendoi se foshnja ishte pushtuar nga shpirtrat e këqij. Policia bëri të ditur se përveç babait, janë arrestuar edhe një hallë dhe dajë dhe një shaman, ndërsa nëna është në arrati.
– Foshnja u varros nga tezja pasi prindërit e fëmijës i kërkuan një gjë të tillë. Ata vendosën të ndërmarrin këtë hap me bindjen e një tantrik që pretendoi se vajza ishte e pushtuar dhe se prania e saj në shtëpi mund t’u shkatërronte të gjithë jetën – njoftoi policia.
