Një nga shkrepësit dhe dokumentuesit e realitetit të Kosovës gjatë luftës së fundit, gazetari i BBC-së, George Alagiah ka vdekur në moshën 67-vjeçare. Pas luftimit 9-vjeçar me kancerin, Alagiah ka ndërruar jetë për të mbetur një nga modelët botëror të këtij profesioni.
Raporti i tij me Kosovën nuk la pa u përmendur edhe nga vet vendi i tij i punës. Në fakt, BBC në artikullin përkujtimor tha se sa ishte gjallë ai kishte pranuar se e veçanta e karrierës së tij ka qenë fotografimi i spastrimit etnik në Kosovë në vitin 1999, transmeton RTKlive.
Drejtori i përgjithshëm i BBC-së, Tim Davie ka deklaruar se gjithë stafi është në mërzi për shkak të humbjes së tij.
“George ishte një nga gazetarët më të mirë dhe më të guximshëm të gjeneratës së tij, i cili raportoi pa frikë nga e gjithë bota, si dhe prezantoi lajmet pa të meta. Ai ishte më shumë se një gazetar i shquar, audienca mund të ndiente mirësinë, ndjeshmërinë dhe humanizmin e tij të mrekullueshëm. Ai ishte i dashur nga të gjithë dhe do të na mungojë pa masë”, ka thënë Davie.
Redaktori i BBC World Affairs, John Simpson, tha në Twitter se është e vështirë për t’u gjetur një mik dhe koleg më i butë, më i sjellshëm, më mendjehollë e më i guximshëm.
Nga lufta në luftë, gazetaria që lidhet me ndjeshmërinë
Ashtu siç u potencua nga Austin, që tha se “nëse gazetaria e mirë ka të bëjë me ndjeshmërinë, ajo shpesh është George Alagiah”, rrugëtimi i tij profesional qëndron pikërisht në këtë linjë.
Alagiah fitoi çmime për raportet mbi urinë dhe luftën në Somali në fillim të viteve 1990 dhe u nominua për një Bafta në 1994 për mbulimin e fushatës gjenocidale të Sadam Huseinit kundër kurdëve të Irakut verior.
Ai u emërua gjithashtu gazetari i vitit i Amnesty International në 1994, për raportimin mbi luftën civile në Burundi dhe ishte gazetari i parë i BBC që raportoi për gjenocidin në Ruandë.
Ai iu bashkua BBC-së si korrespondent i punëve të jashtme në vitin 1989 dhe më pas u bë korrespondent i Afrikës, kontinenti i fëmijërisë së tij.
Ai intervistoi fëmijë ushtarë në Liberi, viktima të përdhunimeve masive në Ugandë dhe dëshmoi uri dhe sëmundje pothuajse kudo.
“Ka një brez të ri në Afrikë”, shkruante ai, “brezi im, fëmijët e lirisë, të lindur dhe të edukuar në ato vite euforie pas pavarësisë, kemi pasur një shans. Nuk kemi bërë shumë me të”.
Histori të tjera që ai mbuloi në raportet e lajmeve dhe dokumentarët përfshinin tregtinë e organeve njerëzore në Indi, fëmijët e rrugës në Brazil, luftën civile në Afganistan dhe shkeljet e të drejtave të njeriut në Etiopi.
Ai intervistoi figura të rëndësishme duke përfshirë presidentin e Afrikës së Jugut, Nelson Mandela, Kryepeshkopin Desmond Tutu, Sekretarin e Përgjithshëm të OKB-së Kofi Annan dhe Presidentin Robert Mugabe të Zimbabvesë.
Duke kaluar në prezantimin e lajmeve, ai drejtoi BBC One O’Clock News, Nine O’Clock News dhe BBC Four News, përpara se të bëhej një nga prezantuesit kryesorë të Six O’Clock News në 2003.
