Derek Chollet nuk është më këshilltar i posaçëm në Departamentin e Shtetit të SHBA-së i ngarkuar për rajonin e Ballkanit Perëndimor.
Antony Blinken , Sekretari Amerikan i Shtetit, përgëzoi në llogarinë e tij në Twitter emërimin e ri të Chollet si nënsekretar për politikat brenda Departamentit të Mbrojtjes. Zëvendësimi i Chollet do të thotë se Gabriel Escobar, Zëvendës Ndihmës Sekretari i Shtetit, mbetet për momentin i vetmi i dërguar i SHBA në Ballkan.
“Urime miku im për emërimin e tij. Derek ka qenë një anëtar dhe udhëheqës kryesor i ekipit tim. Konfirmimi i emërimit të tij do të jetë një aset i madh për Sekretariatin e Mbrojtjes. Kombi ynë do të përfitojë shumë nga shërbimi i tij i përkushtuar,” njoftoi Blinken në Twitter .
Congrats to my friend @CounselorDOS on his nomination to serve as Under Secretary of @DOD_Policy. Derek is a core member of my leadership team. Upon his confirmation, our loss will be the @DeptofDefense’s gain, and our nation will continue to benefit from his dedicated service.
— Secretary Antony Blinken (@SecBlinken) July 25, 2023
